Parásitos (II)

Cada día me asombra máis a capacidade dos parásitos. A este paso voulles ter que adicar unha categoría neste blog. Non contentos con dominar mentalmente ós grilos ata levalos ó suicidio ou convertir os cornos dos caracois en bolas de discoteca para chamar a atención dos paxaros, este ben podería o primeiro parásito feminista que teño o gusto de coñecer.

Polo visto científicos australianos descubriron unha nova "propiedade" do toxoplasma gondii, un protozoo moi común en mamíferos pequenos como gatos e ratos e que pasa ó organismo humán a través do contacto cos seus excementos (un 40% da poboación mundial estaría infectada). Polo visto, este bicho é capaz de aumentar a promiscuidade nas femias e de reducir a capacidade intelectual e o medo a conductas de risco nos machos.

O toxoplasma gondii é coñecido dende hai bastantes anos pola súa capacidade para controlar as células dendríticas das súas víctimas, alterando o seu comportamento. Así os ratos machos vólvense máis agresivos e "inconscientes" lanzándose cara os gatos (que non teñen problema en aceptar o regalo...) e as femias máis vulnerables ó aumentar a súa actividade sexual.

Ata agora non se coñecían consecuencias do toxoplama nos humáns, pero polo visto científicos australianos atoparon certos indicios (coidado, traducción propia):

"Os homes infectados teñen unha capacidade de atención e coeficientes intelectuales menores, e alcanzan un nivel educativo inferior. Son individuos con maior probabilidade para tomar riscos e ser máis independentes, antisociais, celosos e taciturnos. (...)

Por outra parte, as mulleres infectadas soen ser máis amistosas, promiscuas e son consideradas máis atractivas para os homes comparadas con individuos non infectados".

Como sempre, estes estudios hai que collelos con pinza ata que se teñan máis evidencias (e máis a escasas horas do 28 de decembro xD), pero ¿a que acojona?

PostMortem: Vexo este mesmo tema en Menéame baixo o título "Un parásito provoca estupidez en los hombres y aumenta el atractivo a las mujeres". Un usuario comenta: "¿pero eso no lo hacía ya el whisky?

Enlace: Máis info sobre Nicky Boulter, o científico que dirixíu o estudio.